నవగీతం, మల్లాపూర్:
ఇటీవల నూతనంగా ఎన్నికైన మల్లాపూర్ మండల టియూడబ్ల్యూజే (హెచ్ 143) ప్రెస్ క్లబ్ కార్యవర్గ సభ్యులను, జగిత్యాల జిల్లా స్పెషల్ బ్రాంచ్ రిటైర్డ్ ఏఎస్ఐ సామాజిక సేవకుడు రాజేశుని శ్రీనివాస్ సోమవారం ఘనంగా సన్మానించారు. ఈ కార్యక్రమంలో నూతన కార్యవర్గ బాధ్యులకు ఆయన శాలువాలు కప్పి, పుష్పగుచ్ఛాలు అందించి అభినందనలు తెలిపారు. ఈ సందర్భంగా శ్రీనివాస్ మాట్లాడుతూ.. సమాజంలో ఎదురయ్యే ప్రజా సమస్యలను ప్రభుత్వం దృష్టికి తీసుకెళ్లడంలో జర్నలిస్టుల పాత్ర ఎంతో కీలకమైనదన్నారు. నూతన కార్యవర్గం బాధ్యతాయుతంగా పనిచేస్తూ, జర్నలిజం విలువలను కాపాడాలని ఆయన ఆకాంక్షించారు. ఈ కార్యక్రమంలో ప్రెస్ క్లబ్ అధ్యక్షులు రాంప్రసాద్, ప్రధాన కార్యదర్శి అంజన్న, సెక్రటరీ మోర సతీష్, కోశాధికారి రాజేందర్, సీనియర్ జర్నలిస్టులు చారి, పవన్, ఐజేయు జిల్లా మాజీ ఈసీ మెంబర్ చింతలూరి రంజిత్, ఐజేయు సభ్యులు తోట శేఖర్, తదితరులు పాల్గొన్నారు.
