నవగీతం,కొడిమ్యాల:
కొడిమ్యాల మండల కేంద్రంలోని శ్రీ లక్ష్మీ వెంకటేశ్వర స్వామి దేవస్థానంలో భక్తుల చిరకాల వాంఛ నెరవేరింది. భక్తుల సౌకర్యార్థం దేవస్థానం నిర్మాణ కమిటీ నూతనంగా ఏర్పాటు చేసిన కళ్యాణకట్టను సోమవారం ఉదయం ప్రారంభించారు. మొక్కుల చెల్లింపు ఇక సులభతరం భక్తులకు ఈ కళ్యాణకట్ట అందుబాటులోకి రావడంతో గొప్ప ఊరట లభించింది. ఇకపై భక్తులు తమ తలనీలాల మొక్కులను క్రమబద్ధమైన పద్ధతిలో, పరిశుభ్రమైన వాతావరణంలో సమర్పించుకోవచ్చు. ఈ సౌకర్యం పట్ల స్థానిక భక్తులు హర్షం వ్యక్తం చేస్తున్నారు.తొలి మొక్కులు సమర్పించిన అయ్యప్ప స్వాములు శబరిమల యాత్ర ముగించుకుని వచ్చిన సామ భాస్కర్ రెడ్డి గురుస్వామి బృందం, బల్ల మల్లేశం,(ఎల్లయ్య) పాసికంటి రాజేంద్రప్రసాద్, మొగిలి వరుణ్ కుమార్, ఆరే లక్ష్మారెడ్డి .ఈ కళ్యాణకట్టలో తొలిసారిగా తలనీలాలు సమర్పించి మొక్కులు చెల్లించుకున్నారు. ఈ సందర్భంగా ఆలయ ప్రధాన అర్చకులు స్వామివారికి ప్రత్యేక పూజలు నిర్వహించి భక్తులకు ఆశీస్సులు అందజేశారు.ఆలయ కమిటీ సభ్యులు మాట్లాడుతూ.. ఆలయ ప్రాంగణంలో భక్తులకు ఎలాంటి అసౌకర్యం కలగకుండా అన్ని వసతులు కల్పిస్తున్నామని, భక్తులు క్రమశిక్షణతో, శుభ్రతను పాటిస్తూ స్వామివారిని దర్శించుకోవాలని కోరారు. ఈ కార్యక్రమంలో ఆలయ కమిటీ సభ్యులు, గ్రామ పెద్దలు మరియు పరిసర గ్రామాల భక్తులు పాల్గొన్నారు.
